Секогаш е вистинско време да зборуваме за менталното здравје! Вчера се дружевме со прекрасните жени од с. Црник на работилница посветена на подигнување на свеста за менталното здравје и емоционалната благосостојба. Преку отворен разговор, вежби и споделување искуства, зборувавме за тоа како да се справиме со секојдневниот стрес, зошто грижата за себе не е себичност и колку е важна меѓусебната поддршка во заедницата. Благодарност до сите учеснички за нивната активна улога, искреност и позитивна енергија HERA Коалиција Маргини / Coalition Margins Delegation of the European Union to North Macedonia
Вчера и покрај дождот, успешно се реализира еколошката акција на жените од с. Црник Општина Пехчево за чистење на селскиот плоштад и дел од речното корито покрај плоштадот. Воедно се ревидираа и приоритетите, односно проблемите во с. Црник кои ќе бидат предмет за застапување пред локалните институции Akcija Zdruzenska The Kvinna till Kvinna Foundation Delegation of the European Union to North Macedonia Embassy of Sweden in Skopje Хуманитарно Здружение Мајка - Куманово
По иницијативата и заложбите на Организација ЖЕНА Делчево за исправување на неправдата и дискриминаторската пракса кон лицата кои биле евидентирани со степен „непотполно средно образование“, Агенцијата за вработување ја извести Комисијата за спречување и заштита од дискриминација дека е постапено по дадените препораки во сите 30 Центри за вработување низ државата. Со усогласувањето на класификацијата на образованието, овие лица отсега ќе се евидентираат како лица со „средно стручно образование во траење до две години“, со што ќе можат рамноправно да аплицираат на јавните повици за активни мерки и услуги за вработување. Ова претставува значаен чекор кон отстранување на системската неправда и обезбедување еднаков пристап до правата и можностите за лицата со попреченост и лицата од маргинализирани групи. Продолжуваме посветено да се залагаме за еднаквост, недискриминација и достоинствен третман за сите граѓани.
🚺 Што им недостасува на жените во Делчево и руралните средини? Според мислењата на жените опфатени во нашето истражување, најмногу недостигаат: 🔴 Јавни тоалети – 32% 🔵 Јавни чешми – 28% 🟢 Јавен превоз – 26% 🟠 Простори за одмор – 14% Овие податоци покажуваат дека основната јавна инфраструктура сè уште не ги задоволува секојдневните потреби на жените, особено во руралните средини. Недостатокот на безбедни и достапни јавни услуги директно влијае врз квалитетот на живот, мобилноста и чувството на сигурност. Потребни се локални политики и инвестиции кои ќе ги стават потребите на жените и граѓаните во фокусот. Анализата е дел од теренското истражување „Прошетка во заедницата низ женски леќи“ за предизвиците на жените во општина Делчево Општина Делчево/Municipality of Delcevo
Вчера (04.06.2026) во Делчево одржавме едукативна работилница со жени од ромската заедница на тема препознавање и заштита од насилство. 💜 Преку отворена дискусија, студии на случај и споделување искуства, разговаравме за формите на насилство, механизмите за заштита, пристапот до институции и важноста на психосоцијалната поддршка и самодовербата. Продолжуваме да создаваме безбедни простори каде жените, девојките и маргинализираните групи можат слободно да се информираат, охрабрат и поддржат. HERA Delegation of the European Union to North Macedonia Коалиција Маргини / Coalition Margins
ГРИЖАТА ЗА СЕБЕ НЕ Е СЕБИЧНОСТ Во мојата работа како психолог и Гешталт психотерапевт под супервизија, често среќавам луѓе кои со години се грижат за сите околу себе, а многу ретко застануваат да се запрашаат: „Како сум јас?“ Живееме во време кога се вреднува продуктивноста, издржливоста и способноста да се справиме со сè сами. Научени сме да ги ставаме потребите на другите пред сопствените. Да бидеме добри родители, партнери, деца, колеги. Да издржиме. Да не се жалиме. Но, понекогаш цената на тоа е губење на контактот со самите себе. Замор што не поминува со еден ден одмор. Нервоза која не можеме да ја објасниме. Тага која тивко се насобира. Чувство дека постојано даваме, а сè помалку имаме што да дадеме. Од гешталт перспектива, грижата за себе започнува со свесност. Да забележам што чувствувам. Да препознаам што ми е потребно. Да си дозволам да застанам. Да се слушнам себеси. Грижата за себе не значи да ги запоставиме другите. Напротив. Кога сме во подобар контакт со себе, кога ги препознаваме сопствените граници и потреби, стануваме поприсутни и поквалитетно поврзани и со луѓето околу нас. Понекогаш грижата за себе е одмор. Понекогаш е разговор со блиска личност. Понекогаш е поставување граница. А понекогаш е храброста да побараме стручна поддршка. Денес ве поканувам да си поставите едно едноставно прашање: Што ми е потребно мене во овој момент? Можеби токму одговорот на тоа прашање е првиот чекор кон поголема грижа за себе. Дејан Глинџарски , Психолог и Гешталт психотерапевт под супервизија тел: 070-479-633.
